الضحية والجاني في وضع غريب.. سر صورة قتيل شبرا مع المتهم قبل تنفيذ الجريمة تحدث ضجة

كشفت التحقيقات مع المتهم في القضية المعروفة إعلاميًا بقتل صغير شبرا الخيمة، حقيقة الصورة التي جمعته بالضحية، والتي أدلى المتهم بأنها كانت في عيد الفطر.

ووضحت التحقيقات بأنها كانت بسبب فرحة الصغير بملابس العيد، ولكن ما هي إلا بضعة أيام حتى تحولت تلك الفرصة إلى لحظات من الرعب والرهبة عاشها الطفل أحمد، داخل الشقة المشؤومة بمنطقة عزبة عثمان بمدينة شبرا الخيمة التابعة لمحافظة القليوبية.

واعترف  قاتل صغير شبرا قائلا: أنا ابتديت آخد بالي من تواجده، لما كنت شغال في القهوة في شهر ديسمبر 2023، بعد ما رجعت من العملية، وكان بييجي القهوة بيهزر مع الناس وكان طفل ودود جدًا فكنت بهزر معاه على طول، وأشتريله حاجة حلوة، وأديله فلوس، وساعات يشتريلي سجاير وأسبله الباقي.

وأضاف: "هو كان طيب وودود فحسيت كإنه أخويا الصغير، فكنت بطبط عليه وأعطف عليه، حتى يوم العيد كنا متصورين مع بعض وكنا مبسوطين وهو مبسوط.

وعن ظروف ومناسبة التقاط تلك الصورة سالفة العرض عليك، قال: أنا كنت قاعد مع أحمد وبسأله هتلبس إيه في العيد وهتحلق فين، قالي أنا جايب طقم نار، فلما جه يلبسه في العيد، قلتله والله لتصور معاك، فقعد على حجري واتصورنا ومحمد صبحي صورنا وبعتهالي على الواتساب، فكانت فرحة مش أكثر.